Qana'oj
Ri molaj Wuqu' Kawoq nsamaj pa ruwi' ri aq'omanïk chuqa' ri Mayab' ch'ab'äl pa Iximulew. Wakamin man k'o ta majun molaj (aj wawe' o aj näj) nsamaj pa ruwi' ri aq'om pa Iximulew chuqa' ri rusamajela' yetikir yecho'n pa jun Mayab' ch'ab'äl--stape' e k'iy ri winaqi' man yetikir ta yecho'n ütz pa ri kaxlan. Röj nqab'ij chi la man ütz ta. Wi k'o jun aq'omanel o jun samajel man ntikir ta ncho'n pa kich'ab'äl ri yawa'i' man ntikir ta nub'än ütz rusamaj. Chuqa' wi ri aq'omanel re' man nrajo' ta nutijoj ri' la jun xajan, chuqa' roma ri' man yek'achoj ta ri taq yab'il.
Roma ri k'ayewal re' röj nqamöl qi' chuqa' yojsamaj rik'in ri Mayab' winaqi' pa ruwi' ri aq'om, ri Mayab' ch'ab'äl chuqa' tz'ibanïk, chuqa' ri derecho indigena. Jujun k'utb'äl: nqaya' to'onïk chire ri k'exeloma' o Mayab' aq'omanela' chi yesamaj pa jun Mayab' ch'ab'äl; nqatz'ib'aj chuqa' nqakasoj taq wuj pa ruwi' ri aq'om, ri k'exelom na'oj, chuqa' ri ojer na'oj pa ri taq Mayab' ch'ab'äl; nqaya' tijonïk pa ruwi' ri aq'om chike ri Mayab' aq'omanela'; chuqa' nqatz'ukaj aq'omanïk chuqa' aq'omab'äl jay.
