Chupan ronojel ri tinamït chi k'o pa ri nik'aj ruwachulew re', yalan k'ayew rub'anon wakamin ri Iximulew. K'iy juna' ri xya'on pe ri lab'äl, ri kamisanïk, chuqa' ri eleq'anïk roma ri ajkaxlani'. Roma ri' janila e meb'a'i' ri qawinäq, majun k'o ta kik'uqub'ab'äl k'u'x. Stape' jub'a' ma konojel e Mayab' winaqi' chuqa' yecho'n pa ri taq Mayab' chab'äl, majun k'o ta samaj pa ruwi' ri kik'aslem o ri kiyab'ilar nukusaj kich'ab'äl.

Ja la Wuqu' Kawoq jun k'ak'a samaj xtikir ri 12 B'aqtun, 19 K'atun, 13 Tun, 16 Winäq, 19 Q'ij (chupan ri cholq'ij ri Wuqu' Kawoq; chupan ri kaxlan cholq'ij 1 Enero 2007). Xtikir koma jujun samajela' aj näj xkajo' xesamaj kik'in ri aj wawe'. Stape k'ak'a ri molaj Wuqu' Kawoq, ri winaqi' xkimöl ki' achi'el ri k'amol taq b'ey rije' jub'a' ma juk'al juna' xesamaj wawe' pa Iximulew chwäch xetikir rik'in ri samaj re'. Jub'a' ma konojel ri k'amol taq b'ey yetikir yecho'n pa jujun taq Mayab' ch'ab'äl.

Naqanojij chi ri Mayab' k'aslemal chuqa' ri aq'omanïk e junam. Nk'atzin ri ka'i'. Nqajo' yojto'on apo chike ri taq Mayab' aq'omanela' chuqa' k'exeloma', nqab'än aq'omanïk pa ri taq ch'ab'äl re', chuqa' nqakasoj ri ojer na'oj pa ruwi' ri k'aslem chuqa' ri aq'om.